اسلام آباد (نوائے وقت رپورٹ) آئی ایس پی آر کے مطابق ایف سی بلوچستان نے مختلف علاقوں میں خفیہ اطلاعات پر آپریشنز کے دوران غیرقانونی مقیم افغان شہری سمیت آٹھ دہشت گرد گرفتار کر لئے۔ دہشت گردوں کے قبضے سے ہتھیار اور گولہ بارود برآمد کر لیا گیا۔کارروائیاں سبی، گلستان، سمیانہ، پشین، ڈیرہ بگٹی، ڈیرہ مراد جمالی میں کی گئیں۔ کارروائیوں میں آئی ای ڈیز، راکٹس، گرنیڈ، مارٹرز اور دھماکہ خیز مواد برآمد کر لیا گیا۔