کہروڑپکا (خبر نگار) مجرے کی تقریب پر چھاپہ مارنے، شراب نوشی اور سائونڈ ایکٹ کی خلاف ورزی سے روکنے پر پولیس پارٹی پر حملہ۔ دو اہلکار زخمی۔ مقدمہ درج۔ تفصیل کے مطابق گزشتہ رات ملتانی والا میں شادی کی ایک تقریب میں اونچی آواز میں ڈیک چلا کر مجرے کا پروگرام جاری تھا پولیس تھانہ سٹی نے وہاں پر چھاپہ مارا تو اکبر ،رضوان ،سانول،جند وڈا، اکبر ،اجمل ،غلام شبیر ،اسلم ،عاشق قریشی ،اللہ رکھا ،سعید ،حاجی ،اجمل ناصراور پانچ نامعلوم اونچی آواز میں ڈیک چلا رہے تھے جبکہ مجرا بھی جاری تھا۔ پولیس نے روکنے کے لئے کارروائی کی تو ملزمان نے پولیس پارٹی پرڈنڈوں اور اینٹوں سے حملہ کر دیا اور ملزمان کو چھڑانے کی کوشش کی اور دوسرے اہلکار عمران سے دوہزار روپے بھی چھین لئے۔ جبکہ اکبر سے بارہ ہزار روپے بھی چھین کر فرار ہو گئے۔ دریں اثنا زخمی اے ایس آ ئی غلام عباس اور عمران کو طبی امداد کے لئے ٹی ایچ کیو ریفر کر دیا۔