شیخوپورہ: فیکٹری میں کیمیکل ٹینکر پھٹنے سے ایک مزدور جاں بحق، 5 زخمی
شیخوپورہ (نمائندہ خصوصی +نمائندہ نوائے وقت)فیصل آباد روڈ پر واقع کیمیکل تیار کرنے والی فیکٹری میں کیمیکل ٹینکرپھٹنے کے باعث ایک مزدور جاں بحق اور پانچ زخمی ہوگئے زخمیوں کو فیکٹری انتظامیہ نے ڈی ایچ کیو ہسپتال شیخوپورہ داخل کروانے کی بجائے شہر کے پرائیویٹ ہسپتال میں داخل کروادیا اور جاں بحق ہونیوالے مزدور اللہ نواز کو ڈی ایچ کیو ہسپتال میں اس کا میڈیکل بنوانے کے بعد اسکے آبائی گائوں مرڑ 42سانگلہ ہل روانہ کردیا۔ فیکٹری میں ناقص حفاظتی انتظامات ہونے کے باعث کیمیکل ٹینکر کو ویلڈ کیا جارہا تھا کہ اس دوران ٹینکر میں موجود گیس کے باعث زور دار دھماکے سے پھٹ گیا اور آگ بھڑک اٹھی جس کی زد میں آکر مزدور اللہ نواز موقع پر جاں بحق بابر ولد نذیر ، عبدالرشید ولی محمد ، ذیشان ولد ریاست اور ظفر اقبال ولد عبدالطیف زخمی ہوگئے فیکٹری انتظامیہ نے اس واقعہ کو چھپانے کیلئے زخمیوں کو ڈی ایچ کیو ہسپتال لانے کی بجائے شہر کے پوش علاقہ میں واقع ایک پرائیویٹ ہسپتال میں داخل کروادیا۔
