گوجرانوالہ(نمائندہ خصوصی ) گھمن والہ میں تیز رفتار کار کی زد میں آکر موٹر سائیکل سوار 2کمسن بیٹے جاں بحق جبکہ والدین شدید زخمی ہو گئے ، ریسکیو اہلکاروں نے نعشوں اور زخمیوں کو ہسپتال منتقل کر دیا، بتایا گیا کہ گھمن والہ کے رہائشی عدنان اپنی بیوی اور بیٹوں پانچ سالہ مظہر ،تین سالہ اذان کے ہمراہ موٹر سائیکل پر جا رہا تھا کہ گھر سے کچھ ہی فاصلہ پر انکی موٹر سائیکل کو تیز رفتار کار نے ٹکر مار دی جسکے نتیجے میں شدید زخمی ہونیوالے دونوں بچے موقعہ پر ہی جان کی بازی ہار گئے تاہم واقعہ کی اطلا ع پا کر موقع پر پہنچنے والے ریسکیو اہلکاروں نے عدنان اور اسکی بیوی کو فوری طور پر طبی امداد کی فراہمی اور نعشوں کو ضروری کاروائی کیلئے ہسپتال منتقل کیا ،جہاں پر خاتون کی حالت مخدوش بیان کی جارہی ہے ، دوسری طرف حادثہ کے بعد ڈرائیور فرار ہو گیا۔ تھانہ تتلے عالی پو لیس نے کار کو قبضے میں لے لیا ۔