میلبورن (سپورٹس ڈیسک ) ٹینس سیزن کا پہلا گرینڈ سلیم "آسٹریلین اوپن" کوارٹر فائنل مرحلے میں داخل ہو گیا۔ کیرولین وْزنیاکی سمیت سپر سٹارز نے سیٹ پکی کر لی۔ میلبرن میں جاری ٹینس ایونٹ میں زبردست مقابلے ویمن سنگلز میں نمبر ٹو کیرولین وْزنیاکی نے مدمقابل کو چھ تین اور چھ صفر کے سٹریٹ سیٹس سے ہرا کر کوارٹر فائنل میں جگہ بنا لی۔مینز کے مقابلوں میں ٹاپ سیڈ رافیل نڈال ارجنٹائنی حریف کو تین ایک سے شکست دی، نمبر 6 مارین سلِک نے سپینش کھلاڑی کے خلاف فتح سمیٹی اور گرینڈ سلیم ایونٹس میں اپنی کامیابیوں کی سنچری مکمل کرلی۔ گریگوردیمتروف نے نک کرجیئس کو شکست دے کر ایونٹ سے باہر کردیا ۔ سپین کے رافیل نڈال ڈیاگو شوارز مین کو شکست دے کر کوارٹر فائنل میں پہنچ گئے ۔ میرین سیلک نے کیرونا بسٹا کو ہرا کرکوارٹر فائنل میں جگہ بنالی ۔آندرے نے سیپی کو پری کوارٹر فائنل میں زیر کر لیا ۔پاکستان کے اعصام الحق قریشی اور مٹکو وسکی کی جوڑی مینز ڈبلز کے چوتھے رائونڈ میں پہنچ گئی جبکہ گرین شرٹس کی مکسڈ ڈبلز جوڑی کو شکست ہو گئی ۔ ویمنز سنگلز میںیوکرین ایلینا سویتو لینا‘ سپین کی کار لا سواریز‘بیلجیئم کی ایلیزے مارٹن کوارٹر فائنل میں پہنچ گئیں ۔