لاہور (سپورٹس رپورٹر) پاکستان کے چار روزہ دورہ پر آئی ورلڈ الیون ٹیم اور ہال آف فیم میں شامل غیر ملکی کھلاڑیوں پر مشتمل 22 رکنی دستہ واپس چلا گیا۔ ورلڈ الیون ٹیم نے اپنے دورہ پاکستان میں دو میچز کھیلے جن میں سے ایک میچ میں 5-1 سے کامیابی جبکہ سیریز کا دوسرا میچ تین تین گول سے برابر رہا تھا۔ غیر ملکی کھلاڑیوں پر مشتمل ورلڈ الیون ٹیم سیریز کا دوسرا میچ کھیلنے کے بعد اتوار کی شب سات بجے کی فلائیٹ سے لاہور سے واپس چلی گئی۔ مہمان ٹیم کو لاہور میں نیشنل کرکٹ اکیڈمی لاہور میں ٹھہرایا گیا جبکہ اس سے قبل کراچی میں مہمان کھلاڑیوں کو فائیو سٹار ہوٹل میں ٹھہرایا گیا تھا۔