ولنگٹن ( سپورٹس رپورٹر/نمائندہ سپورٹس)قومی ٹیم کے کوچ مکی آرتھر نے دورہ نیوزی لینڈ میں لگاتار چھٹی شکست پر مایوسی کا اظہار کرتے ہوئے کہا ہے کہ امید ہے آئندہ میچز میں نوجوان کھلاڑیوں سے بہتر کارکردگی کا مظاہرہ کریں گے دورہ نیوزی لینڈ پر قومی ٹیم کی شکستوں کا تھمنے کا نام نہیں لے رہا اور ون ڈے سیریز میں کلین سوئپ کے بعد ٹی20 سیریز میں قومی ٹیم کی ناقص بیٹنگ کا سلسلہ رک نہیں سکا۔میچ کے بعد پریس کانفرنس سے مکی آرتھر نے کہا کہ میں بہت زیادہ مایوس ہوں اور یہ سمجھنے سے قاصر ہوں کہ آخر اتنی سخت محنت کے باوجود ہم مستقل ہار کیوں رہے ہیں تاہم مجھے اب بھی نوجوان کھلاڑیوں سے خاصی امیدیں ہیں۔ ہم نے بیٹنگ آرڈر تبدیل کر کے دیکھا، ہم نے تمام تر ٹریننگ بھی کی لیکن اس کے باوجود مایوس کن نتائج انتہائی افسوسناک ہیں۔