لندن (آئی این پی) مسلم لیگ (ن) کے رہنما حمزہ شہباز نے کہا ہے کہ کلثوم نواز نے آمریت کے دور میں جمہوریت کی بحالی کے لئے زبردست جدوجہد کی۔ منگل کو لندن میں کلثوم نواز کی عیادت کے بعد گفتگو کرتے ہوئے حمزہ شہباز شریف نے کہا کہ کلثوم نواز حالت بہتر ہونے پر وطن واپس آئیں گی۔ چکوال ضمنی الیکشن کا نتیجہ عوام کے مسلم لیگ (ن) پر اعتماد کا اظہار ہے۔ لاہور میں اپوزیشن کے جلسے میں کرسیاں خالی تھی۔ انہوں نے کہا کہ آخری فیصلہ عوام کا ہو گا۔ پاکستان کا مستقبل تابناک ہے۔