لاہور(نامہ نگار) شہرکے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے ڈیفنس بی کے علاقے میں مبشر کے گھرگھس کر اہلخانہ کو گن پوائنٹ پر یرغمال بنا کر 6لاکھ 45ہزار روپے مالیت، ماڈل ٹائون کے علاقہ میں وقارکے گھر سے 4لاکھ 30ہزار روپے مالیت ، نصیر آباد کے علاقہ میں ماجدکے گھر سے 3لاکھ 50ہزار روپے مالیت، رائیونڈ کے علاقہ میں طارق کے گھر سے 3لاکھ روپے مالیت، نواں کوٹ کے علاقہ میں اختر کی فیملی سے 2لاکھ 85ہزار روپے مالیت کی نقدی، طلائی زیورات، موبائل فون اور دیگر سامان لوٹ لیا ہے۔ چوروں نے شالیمار کے علاقہ میں حاجی نزاکت کی الیکٹرونکس کی دکان کے تالے توڑ کر 5لاکھ روپے مالیت کی نقدی، ایل سی ڈی اور دیگر سامان چوری کر لیا ہے۔ ڈاکوؤں نے شہر کے مختلف علاقوں میں راہزنی کی وارداتوں میں سات شہریوں سے ہزاروں روپے نقدی اور موبائل فون لوٹ لئے ہیں۔ چوروں نے سرور روڈکے علاقہ سے زعیم، بھاٹی گیٹ میں سے مبشر کی کاریں جبکہ اکبری گیٹ میں سے بابر، شادمان میں سے حسن، نواب ٹائون میں سے شبیر، شالیمار میں سے کاشف، جوہرٹاؤن سے منیر، مسلم ٹائون میں سے صادق، کینٹ سے غفور، مغلپورہ سے نذیر کی موٹرسائیکلیں چوری کر لی ہیں۔