لاہور(نمائندہ سپورٹس +سپورٹس رپورٹر) ایک اور آفریدی پاکستان کرکٹ میں دھوم مچانے لگا۔قومی انڈر19کے فاسٹ بائولر شاہین شاہ آفریدی نے کہاکہ میرا اپنا قدرتی سٹائل ہے، سٹارک کے بائولنگ ایکشن سے مماثلت نہیں ‘ نقالی کرنے کی کوشش نہیں کرتا۔ساڑھے6 فٹ کی قامت رکھنے والے شاہین کے بڑے بھائی ریاض آفریدی ٹیسٹ کھیل چکے تاہم اس وقت وہ محض 4 سال کے تھے‘ انھوں نے مجھے فاسٹ بائولر بنانے میں اہم کردار ادا کیا‘ وہ میرے پہلے کوچ ہیں۔ 2015 میں ٹینس بال سے کھیلتا تھا، اسی برس انڈر16کے ٹرائلز دیے اور خوش قسمتی سے پاکستان کیلیے کھیل گیا، وہ مقابلے بھی آسٹریلیا میں تھے، یہ میرے لیے شاندار آغاز رہا، جہاں ہارڈ بال سے مجھے پہلا سیزن ایشیا سے باہر کھیلنے کا موقع ملا ‘ انڈر16 کے زمانے میں نیشنل کرکٹ اکیڈمی میں سابق سپنر مشتاق احمد نے بھی میری صلاحیتوں کو نکھارنے میں اہم کردار ادا کیا۔ وسیم اکرم اور وقار یونس کو آئیڈیل قرار دیتے ہوئے کہا کہ وسیم نے بہت اچھی ٹپس دیں اور بتایا کہ جب پلان ’ اے ‘ کام نہ کرے تو کس طرح ’ بی ‘کا استعمال کیا جاتا ہے۔