جڑانوالہ (آئی این پی) وزیرمملکت برائے اطلاعات و نشریات مریم اورنگزیب نے کہا ہے کہ نواز شریف وہ شیر ہے جس کی قیادت میں ملک سے دہشت گردی اور لوڈشیڈنگ کا خاتمہ ہوا، نواز شریف کے خلاف ایک روپے کی کرپشن ثابت نہ ہو سکی، کچھ دن پہلے لاہور میں خالی کرسیوں کا جلسہ ہوا تھا، سابق وزیراعظم نواز شریف نے ووٹ کے تقدس کی خاطر رابطہ عوام مہم شروع کر رکھی ہے۔ یہاں میڈیا سے گفتگو کرتے ہوئے مریم اورنگزیب نے کہا کہ آج مسلم لیگ (ن) کے جلسے میں عوام کا سمندر ہو گا، عوام دیکھے گی کہ جلسہ کیسا ہوتا ہے، جڑانوالہ کے عوام نواز شریف سے والہانہ محبت کرتے ہیں، عوام نواز شریف کو چوتھی بار وزیراعظم منتخب کریں گے، جڑانوالہ اور فیصل آباد کے عوام اپنا جواب دیں گے، نواز شریف نے ووٹ کے تقدس کی خاطر رابطہ مہم شروع کی ہے۔