لاہور(سپورٹس رپورٹر+نمائندہ سپورٹس) واپڈاکی جانب سے منعقدکردہ T-12سکولز کرکٹ ٹورنامنٹ کے فائنل میں یونیک ویژن سکول سسٹم نے گورنمنٹ سنٹینیل ماڈل ہائی سکول نمبر2 کو فائنل میں شکست دے کر ٹورنامنٹ جیت لیا۔ ٹونامنٹ کا انعقاد واپڈا سپورٹس بورڈ نے ارباب نیاز سٹیڈیم پشاور میں کیا تھا۔یونیک ویژن سکول سسٹم کی ٹیم نے پہلے بیٹنگ کرتے ہوئے مقابل ٹیم کو 112رنز کا ٹارگٹ دیا جبکہ گورنمنٹ سینٹینیل ماڈل ہائی سکول نمبر 2 کی ٹیم 86رنز بنا سکی۔یونیک ویژن سکول سسٹم کے فرحت اللہ 31رنز کے سکور کے ساتھ بہترین کھلاڑی قرار پائے۔یونیک ویژن سکول سسٹم کے محمد رحمن ٹورنامنٹ کے بہترین بلے باز ،یونیک ویژن سکول سسٹم کے ہارون اور گورنمنٹ سینٹینیل ماڈل ہائی سکول نمبر2 کے حسنین اسلم بہترین بائولر اور بہترین فیلڈ ررہے۔فائنل میچ کے مہمان خصوصی ڈائریکٹر جنرل (ہیومن ریسورس) /صدر پیسکو سپورٹس سلیم جہانگیر تھے جنہوں نے دونوں ٹیموں میں ٹرافیاں تقسیم کیں۔