ننکانہ صاحب( نمائندہ خصوصی+نامہ نگار خصوصی+نامہ نگار)ڈسٹرکٹ ننکانہ صاحب میں ڈسٹرکٹ بیڈمنٹن چیمپئن شپ کا آغاز کر دیا گیا ہے ڈسٹرکٹ سپورٹس ڈیپارٹمنٹ ننکانہ صاحب کے زیر اہتمام ہونے والی ڈسٹرکٹ بیڈمنٹن چیمپئن شپ کا باقاعدہ افتتاح ڈپٹی کمشنر ننکانہ ملک عبدالوحید نے جمنیزیم ہال ننکانہ صاحب میں کیا ۔افتتاحی تقریب سے خطاب کرتے ہوئے ڈپٹی کمشنر ننکانہ ملک عبدالوحید نے کہاکہ نوجوان نسل میں کھیلوں کو فروغ دینے کے لیے کھیلوں کی سرگرمیا ں نہایت ضروری ہیں۔اس موقع پر چیئرمین میونسپل کمیٹی چوہدری نعیم احمد ،ایڈیشنل ڈپٹی کمشنر،تحصیل سپورٹس آفیسر ننکانہ مقبول احمد ،تحصیل سپورٹس آفیسر شاہکوٹ کے علاوہ میڈیا کے نمائندوں نے بھی شرکت کی۔ ڈسٹرکٹ سپورٹس آفیسرننکانہ صاحب عامر شہزاد بٹ نے میڈیا سے گفتگو کرتے ہوئے کہا کہ چیمپئن شب کا انعقاد دو کیٹگریز میں کیا جارہا ہے انڈر 19(بوائز) اور اوپن مقابلہ جات (بوائز)فائنل مقابلہ جات 27جنوری بروز ہفتہ جیمنیزیم ہال میں ہونگے جیتنے والے کھلاڑیوں میں انعامات تقسیم کیے جائیں گے۔ڈسٹرکٹ بیڈمنٹن چیمپئن شپ کی افتتاحی تقریب میں ضلع بھر سے کھلاڑیوںاور شائقین کی کثیر تعداد نے شرکت کی۔