لاہور(سپورٹس رپورٹر+نمائندہ سپورٹس ) انٹر سکولز/ انٹرکالجیٹ ٹینس چیمپئن شپ سنگلز کے فائنل آج ہونگے۔ انٹر سکول ایونٹ کے فائنل میں لکاس سکول نے ایچ سن کالج کو دو ایک سے مات دیکر ٹائٹل اپنے نام کیا۔ انٹرکالجیٹ میں گورنمنٹ کالج نے ایچ سن کالج کو دو ایک سے ہرا کر ٹائٹل اپنے نام کیا۔ باغ جناح میں سنگلز کے سیمی فائنل میں انڈر 12 میں بلال عاصم نے احتشام عارف کوہرایا۔ شکیل طاہر نے حسنین علی کو مات دی۔ انڈر 14 کے کوارٹر فائنل میں عبدالحنان خان نے احتشام عارف کو ہرایا۔ حسن علی نے حمزہ جواب کو ہرایا۔ فیضان فیاض نے شکیل طاہر کے خلاف کامیابی حاصل کی۔ نشتر سپورٹس کملیکس کے ٹینس کورٹ میں منعقد ہونے والے آج فائنل مقابلوں کے مہمان خصوصی سیکرٹری سپورٹس محمد عامر جان ہونگے جو کھلاڑیوں میں انعامات تقسیم کرینگے۔