راولپنڈی: گیس لیکج کے باعث دھماکہ 2خواتین سمیت چار افراد زخمی
راولپنڈی (این این آئی)راولپنڈی کے علاقے تلسہ روڈ پر گھر میں گیس لیکج کے باعث دھماکہ ، حادثے کے نتیجے میں دو خواتین سمیت چار افراد جھلس گئے۔ریسکیو زرائع کے مطابق راولپنڈی کینٹ کے علاقے تلسہ روڈ پر گیس لیکج کے باعث دھماکہ ہوا جس سے گھر کو آگ لگ گئی۔ زخمیوں میں 2 کی حالت انتہائی تشویشناک بتائی جاتی ہے جنہیں ہولی فیملی ہسپتال کے برن یونٹ منتقل کر دیا گیا ہے۔ ریسکیو اہلکاروں نے موقع پر پہنچ کر گھرمیں لگی آگ پر قابو پالیا۔
