شیخوپورہ(نمائندہ خصوصی)پہلا ارمان نیازی ٹی ٹونٹی گولڈ کپ کرکٹ ٹورنامنٹ بلال ڈوگر الیون نے 4 رنز سے جیت لیا۔ فاتح ٹیم نے پہلے بیٹنگ کرتے ہوئے مقررہ 20 اوور میں 124 رنز بنائے جواب میں اصغر ڈوگر الیون ساہو کی ملیاں کی ٹیم 120 رنز بناکر آئوٹ ہوگئی۔ مہمان خصوصی مرکزی انجمن تاجران کے چیئرمین الحاج ملک اسلم بلوچ نے انعامات تقسیم کئے۔اس موقع پر رانا اسد اللہ خان ،محمد عارف رامے، ماجد منظور کاہلوں ،ممتاز خان ،شہزادہ خان ، کونسلر سیف اللہ بٹرودیگر بھی موجودتھے۔ اختتامی تقریب سے خطاب کرتے ہوئے مہمان خصوصی الحاج ملک اسلم بلوچ نے کہاکہ دیہی علاقوںمیں اس طرح کے کرکٹ ٹورنامنٹس کے انعقاد سے نہ صرف کھیلوں کا ٹیلنٹ سامنے آتا ہے بلکہ اس سے ایک صحت مند معاشرہ کی تشکیل میں بھی مدد ملتی ہے۔ شیخوپورہ نے کرکٹ کے میدان میں رانا نوید الحسن ،عاقب جاوید، محمد آصف ، کاشف رضا ، عمران نذیر سمیت دیگر انٹر نیشنل کھلاڑی پیدا کئے، آج بھی اس ضلع میں کرکٹ اور ہاکی کا ٹیلنٹ بدستور موجود ہے تاہم حکومت کی عدم دلچسپی کے باعث ان کھیلوں کا ٹیلنٹ کھل کر سامنے نہیں آرہا۔ انہوںنے مین آف دی میچ اور مین آف دی ٹورنامنٹ کو اپنی طرف سے 25,25ہزار روپے کیش انعام بھی دیا۔