فیصل آباد ( نمائندہ خصوصی) ڈاکوئوں کی دربار سے واپس آنے والے زائرین کی ویگن میں لوٹ مار ‘مزاحمت پر خاتون کو فائرنگ کرکے زخمی کر دیا گیا۔ تفصیلات کے مطابق ساہیانوالہ کی رہائشی فائزہ اور انکے محلے دار ویگن میں سوار ہو کر داتا دربار سے سلام کر کے واپس آ رہے تھے کہ شیخو پورہ روڈ پر باہمنی والا کے قریب ناکہ لگا ئے ڈاکوئوں نے ویگن میں سوار افراد سے نقدی موبائل فونز و دیگر سامان چھین لیا جبکہ فائزہ سے نقدی چھیننے کے بعد اسکی بالیاں بھی اتروانے لگے تو خاتون نے مزاحمت کی جس پر ڈاکوئوں نے اس کے پائوں میں گولی مار کر زخمی کر دیا جسے ہسپتال منتقل کر دیا گیا ہے ۔ دریں اثناء ڈکیتی ‘چوری و راہزنی کی متعدد وارداتوں کے دوران شہریوں کو موٹرسائیکلیں ‘ نقدی ‘ موبائل فونز ‘ طلائی زیورات‘ قیمتی بیٹریاں‘ کپڑا ‘ کارسے محروم کر دیا جبکہ سکول اور دکان کا بھی صفایا کر دیا گیا ۔ تفصیلات کے مطابق بلال گارڈن میں اویس کے بھائی سے مسلح افراد 35سو روپے چھین کر فرار ہو گئے ‘ آدم چوک میں عرفان سے سات سو روپے چھینے گئے ‘ سمندری الرحمن سی این جی کے قریب ڈاکو راہگیروں کو لوٹتے رہے ‘بکر منڈی روڈ پر مصور سے دس ہزار کی نقدی چھین لی گئی ‘ ڈرماں والا موڑ میں خاتون کو لوٹ لیا گیا ‘ عزیز فاطمہ روڈ میں ندیم سے اسلحہ کے زور پر قیمتی سامان چھین لیا گیا ‘ ملت ٹائون میں رشید سے بیٹریاں چھین کر فرار ہو گئے ‘ جی سی یونیورسٹی گیٹ کے قریب سے بشارت سے مسلح ڈاکو چالیس ہزار کی نقدی چھین کر فرار ہو گئے ‘ طارق موڑ گلبرگ میں ندیم سے چار ہزار چھینے گئے ‘ راجباہ روڈ میں عمران ‘418گ ب میں ناصر ‘ ملت ٹائون میں ذیشان ‘ مدنی گارڈن میں عاشق‘ رضا گارڈن میں لقمان ‘481چک میں غلام مصطفی‘ پانی والی ٹینکی میں فہد ‘ گرین ٹائون میں ثاقب ‘چکیرا اڈہ میں ریاض ‘ ظفر کالونی میں آصف‘ مسلم ٹائون میں طاہر ‘226ر ب میں شہباز سے ڈاکوئوں نے موبائل فونز و نقدی و دیگر قیمتی سامان چھین لیا گیا ‘ موضع دکاوی گرڈھ کے علاقہ میں صابر کے ڈیرے سے چور پانچ قیمتی بھینسیں لے گئے ‘ 249ر ب میں ظفر اقبال کے گھر سے آٹھ بکریاں چوری ہو گئیں ‘ کچہری بازار پارکنگ میں محمد ذوالفقار کی کار چوری ہو گئی ‘ دھوبی گھاٹ میں معاذ‘ 64ج ب میں جاوید ‘ ضلعی کچہری میں سجاد اکرم ‘ ٹھنڈی کھوئی میں سہیل ‘ بائو والا میں پرویز صدیق برادر میں سلطان ‘ستیانہ میں فضل عباس‘ ملت ٹائون میں شاہد ‘ ڈوگر بستی میں محمد رمضان‘جناح کالونی میں نبیل ‘ گرونانک پورہ میں بابر‘ نور شاہ ولی میں سمیر کی موٹرسائیکلیں چوری کر لی گئیں‘ ناظم آباد میں ابوبکر کے چور ڈیڑھ لاکھ نقدی اور موبائل لے گئے ‘ لقمان آباد میں تیمور کی ایل ای ڈی چوری ہو گئی ‘ فیضان پبلک سکول کے کمپیوٹر اور قیمتی سامان چور لے گئے ‘ سٹی جڑانوالہ میں افتخار کی دکان سے گھڑیاں اور قیمتی سامان چور لے گئے ‘ اشرف آباد میں عمر حیات کی فیکٹری سے چور کپڑا و دیگر چوری کر کے لے گئے ۔