پاکپتن+شیخوپورہ(نامہ نگار+نمائندہ نوائے وقت) 2واقعات میں خاتون سمیت معمر شخص کی تشدد زدہ نعشیں برآمد کرلی گئیں۔ پولیس تھانہ فرید نگر کو محلہ شہید نگر ریلوے گول چکر کے قریب فصلوں سے نامعلوم خاتون کی جلی ہوئی نعش ملی ہے جس کو نامعلوم ملزمان نے خاتون کو پٹرول چھڑک کر جلا کرقتل کیا۔تھانہ فرید نگر نے نعش کو قبضہ میں لے کر پوسٹ مارٹم کیلئے ڈی ایچ کیو ہسپتال منتقل کردیا ۔خاتون کی نعش جل جانے سے شناخت میں پولیس کو مشکلات کا سامنا کرنا پڑرہاہے۔صفدر آباد کے مقامی کھیتوں سے ایک معمر شخص کی تشدد زدہ نعش اطلاع ملتے ہی صفدر آباد پولیس نے موقع پر پہنچ کر نعش کو تحویل میں لیکر ڈیڈ ہائوس منتقل کردیا پولیس کے مطابق ملنے والی نعش پر تشدد کے واضح نشانات پائے گئے تاہم پوسٹمارٹم رپورٹ کے بعد ہی ہلاکت کے اصل حقائق منظر عام پر آجائیں گے جبکہ تاحال نعش کی شناخت نہ ہوپائی۔