میلبورن (سپورٹس ڈیسک )سوئیٹرزلینڈ کے ٹینس سٹارراجر فیڈرر نے آسٹریلین اوپن ٹینس ٹائٹل جیت لیا، یہ فیڈرر کا بیسواں گرینڈ سلیم ٹائٹل ہے جو انہوں نے آسٹریلین اوپن ٹینس ٹائٹل کی صورت میں جیتا۔سال کے پہلے گرینڈ سلیم ٹائٹل آسٹریلین اوپن کا فائنل ٹینس کنگ راجر فیڈرر اور میرین سیلک کے درمیان کھیلا گیا۔فیڈرر اورسیلک کے درمیان مقابلے میں تجربے کا واضح فرق نظر آیا ، اور اسی فرق کے باعث ٹرافی فیڈرر کے نام ہوگئی۔ٹائٹل جیتنے پر فیڈرر خوشی کے مارے رو پڑے اور کامیابی کا جشن بھی بھرپور انداز میں منایا۔آسٹریلین اوپن 2018کا یہ ٹائٹل راجر فیڈرر کا بیسواں گرینڈ سلیم ٹائٹل ہے۔فائنل میچ کا سکور چھ ،دو‘ چھ، سات‘ چھ، تین‘ تین، چھ اور چھ ایک رہا۔راجر فیڈرر اختتامی تقریب کے دوران فرط جذبات پر قابو نہ رکھ سکے اور رو پڑے ۔ انہیں ٹرافی کیلئے بلایا گیااور ٹرافی وصول کرنے کے بعد جب شائقین کے تالیاں بجائیں تو ا ن کی آنکھوں سے آنسو نکل آئے ۔ انہوں نے کہا کہ یہ محبت اور لمحات کبھی نہیں بھول سکوں گا۔ شائقین نے جس طرح میرا استقبال کیا اور ٹورنا منٹ کے دوران میری حوصلہ افزائی کی وہ ناقابل فراموش ہے ۔