اسلام آباد (آئی این پی) سپریم کورٹ کی عمارت بھی زلزلے سے لرز اٹھی‘ چیف جسٹس جو اس وقت کیس کی سماعت کررہے تھے نے وکلاء اور کمرہ عدالت میں موجود افراد سے کہا کہ اپنی نشستوں پر بیٹھ جائیں‘ زلزلے کے جھٹکے جلد ختم ہوجائیں گے۔ بدھ کو زلزلے کے شدید جھٹکے اسلام آباد کی سپریم کورٹ میں بھی محسوس کئے گئے۔ زلزلوں کے باعث سپریم کورٹ کی کھڑکیاں اور دروازے بجنے لگے۔ چیف جسٹس ثاقب نثار اس وقت آئین کے آرٹیکل 62 سے متعلق کیس کی سماعت کر رہے تھے۔چیف جسٹس نے کمرہ عدالت میں موجود وکلاء اور دیگر لوگوں سے کہا کہ اپنی نشستوں پر بیٹھ جائیں۔ زلزلے کے جھٹکے جلد ختم ہوجائیں گے۔