لاہور لیڈز یونیورسٹی کی آٹھویں سالگرہ پر کلچرل ڈے کا انعقاد
لاہور (پ ر) لاہور لیڈز یونیورسٹی کی آٹھویں سالگرہ پر مرکزی کیمپس میں کلچرل ڈے ایونٹ کا انعقاد کیا گیا۔ مہمان خصوصی وائس چانسلر ڈاکٹر محمد رفیق بلوچ نے تقریب کا افتتاح کیا۔صدر یونیورسٹی میاں ظہور وٹو اورایم ڈی لیڈز گروپ اسد منظور وٹونے خصوصی شرکت کی۔ اس موقع پر یونیورسٹی کو ثقافتی رنگوں سے سجایا گیا۔ چاروں صوبوں سے تعلق رکھنے والے طلبا و طالبات نے اپنے روایتی ملبوسات زیب تن کئے۔ وائس چانسلر ڈاکٹر محمد رفیق بلوچ نے خطاب کرتے ہوئے ڈائریکٹر سٹوڈنٹ آفیرز سید تنویر عباس تابش، فیکلٹی اور طلبا و طالبات کو شاندار ایونٹ ارینج کرنے پر مبارکباد دی۔
