مکرمی! ہمارا محلہ معراج پورہ جنڈیالہ شیخوپورہ کی آبادی تقریباً 80/70 ہزار ہے لیکن ہمارا محلہ بلدیات سے باہر ہے تقریباً سڑک کا فاصلہ ہے آپ کی وساطت سے وزیر بلدیات سے گزارش ہے کہ ہمارے محلہ کو بلدیات میں شامل کرنے کا نوٹیفیکیشن جاری کروانے کا حکم صادر فرمایا جائے ہم اپنے قومی اور صوبائی ارکان اسمبلی سے تحریری طور پر درخواست کر چکے ہیں لیکن ہماری کوئی فریاد نہیں سنتا۔ چند روز میں حلقہ بندیوں کا کام شروع ہو رہا ہے آپ سے استدعا ہے کہ ہمارا محلہ بھی سٹی کا گنجان آباد حصہ ہے جیسا کہ پورے شہر میں ترقیاتی کام ہو رہے ہیں لہٰٰذا اس محلہ میں بھی ترقیاتی کام کروائے جائیں جو درج ذیل ہیں۔ گورنمنٹ گرلز پرائمری سکول کو مڈل کا درجہ دیا جائے۔ سیوریج سسٹم بنایا جائے۔ غریب اور نادار لوگوں کیلئے فری ڈسپنسری کا اہتمام کیا جائے۔ برائے مہربانی ان تمام کاموں پر جلد از نظر ثانی کی جائے تاکہ یہ شیخوپورہ کا خوبصورت حصہ لگے۔ (اہلیان علاقہ محمد جواد تمنا، معراج پورہ جنڈیالہ روڈ، محمد بشیر نواب چوہان رکھ ہرن مینارہ، شیخوپورہ نمبر 0344-4503363 / 0306-5875961)