چنیوٹ+ پاکپتن+ بصیر پور+ اوکاڑہ (نامہ نگاران) مختلف مقامات پر اوباشوں نے 2 خواتین کو زیادتی کا نشانہ بنا ڈالا، گونگی بہری طالبہ سے دست درازی کی کوشش کرنیوالے استاد کو گرفتار کرلیا گیا۔ چنیوٹ میں ملزم اختر عباس عرف بلو سکنہ چک نمبر249 ج ب نے مصطفی کی بھابی رخسانہ بی بی کے ساتھ زیادتی کی ملزم نور آصف اور ناصر پہرے دیتے رہے لنگرانہ میں مقدمہ درج ، پاکپتن میں اوباش نوجوان نے سمیع کالونی کی کشور عبدالکریم بی بی کے گھر میں ملزم رشید یاو رگھریلو مسائلے کے بہانے خاتون کو ساتھ لے گیا ساتھی ارسلان کی مدد سے زیادتی کا نشانہ بناڈالا ۔گورنمنٹ سپیشل ایجوکیشن سکول بائی پاس بصیرپورمیں ٹیچر کی 13سالہ گونگی بہری طالبہ سے زیادتی کی کوشش۔طالبہ ’’ح‘‘کی شکایت پر بصیرپورپولیس نے ملزم سجاد حسینکے خلاف مقدمہ درج کرلیا لیڈیزپولیس کی ٹیم نے سپیشل ایجوکیشن سکول میںجاکر متاثرہ طالبہ کی کلاس فیلوزسکول سٹاف سے واقعہ کے متعلق معلومات حاصل کیں‘ایس ایچ او انسپکٹرملک طارق اعوان کے مطابق طالبہ نے اشاروںکے ذریعے اپنے موقف کی تائیدکی ملزم نے الزام کو تسلیم کرنے سے انکارکردیا۔ یہ امر قابل ذکر ہے کہ متاثرہ طالبہ کی سرکاری سکول ٹیچر والدہ اور تاجر والد نے کہا کہ طالبہ کے کزن نے واقعہ کا علم ہونے پر اسے تھانہ لے جاکر مقدمہ درج کروا دیا تاہم وہ واقعہ کو اچھالنا نہیں چاہتے۔ قلعہ دیدار سنگھ سے نامہ نگار کے مطابق اوباش کی 8 سالہ بچے سے زیادتی کی کوشش پر مقدمہ درج، ملزم گرفتار کر لیا۔ تھانہ قلعہ دیدار سنگھ محلہ ڈیرہ مانیاں والا کے رہائشی امان اللہ کا 8 سالہ بیٹا ابوبکر گلی میں کھیل رہا تھا جس کو اوباش شبیر احمد ورغلا کر قریبی پلاٹ میں لے گیا جہاں بچے سے زیادتی کی کوشش کی۔ بچے کی چیخ و پکار سن کر اہل محلہ نے موقع پر پہنچ کر زیادتی کی کوشش ناکام بنا دی۔ پولیس نے ملزم کو گرفتار کرکے مقدمہ درج کر لیا۔