سینٹ الیکشن: مسلم لیگ (ن) کے ٹکٹ کیلئے انعام نیازی اور ڈاکٹر اسد اشرف نے درخواستیں جمع کرا دیں
لاہور (خصوصی رپورٹر) سینٹ الیکشن کیلئے مسلم لیگ (ن) کی ٹکٹ کے خواہش مندوں کی جانب سے مسلم لیگ (ن) کے پنجاب آفس مسلم ٹاؤن سے درخواست فارم حاصل کرنے اور جمع کروانے کا سلسلہ جمعرات کو بھی جاری رہا۔ مسلم لیگ (ن) کے رہنما اور رکن پنجاب اسمبلی انعام اللہ خان نیازی، ڈاکٹر اسد اشرف نے درخواستیں جمع کروا دیں جبکہ فارم حاصل کرنے والوں کی بڑی تعداد میں ڈپٹی سپیکر پنجاب اسمبلی سردار شیر علی گورچانی کے والد سردار پرویز علی گورچانی نمایاں شخصیت تھے۔ مسلم لیگی رہنما خواجہ محمود احمد درخواست فارم جمع کروانے کیلئے اسلام آباد چلے گئے ہیں۔
