کوئٹہ + بنوں (نوائے وقت رپورٹ + صباح نیوز) لیویز اور ایف سی نے پشین کے علاقے کلی سرخاب میں کارروائی کے دوران 4افغان باشندوں سمیت 16 ملزمان گرفتار کر لئے۔جن کے قبضے سے دو دستی بم ، اسلحہ برآمد کر لیا۔ آپریشن کے دوران سکیورٹی فورسز نے افغان خفیہ ایجنسی کے 4کارندوں کو کو بھی گرفتار کیا، جن سے افغانی پاسپورٹ برآمد ہوئے ہیں۔ دریں اثنا ذرائع کے مطابق بنوں کے ساتھ ملحقہ نیم قبائلی علاقہ جانی خیل کے نورنگ خیل میں سکیورٹی فورسز نے گزشتہ روز سرچ آپریشن کیا جس میں 15 کلاشنکوف بمعہ میگزین‘ 16 تھری ناٹ تھری رائفل بمعہ میگزین‘ 1 اضافی میگزین‘ کلاشنکوف‘ 2430 کارتوس‘ کلاشنکوف 1190‘ کارتوس تھری ناٹ تھری اور 7 کمربند برآمد کر لئے۔