بھکر (رانا عمران اسلم سے) چاندنی چوک فیصل موڑکے نزدیک ٹریفک حادثہ میں سی ڈی اے ڈائریکٹر ڈرائیورسمیت 5افرادموقع پرجاں بحق ہوگئے۔ ایک عورت،بچہ سمیت5افرادزخمی ہوگئے واقعات کے مطابق تحصیل کلورکوٹ کے نواحی علاقہ چاندنی چوک فیصل موڑپرسی ڈی اے ڈائریکٹر مشتاق احمد فیملی کے ہمراہ گاڑی پر شہداد کوٹ سے اسلام آباد جارہا تھا‘ چاندنی چوک کے نزدیک موٹرسائیکل اور ڈالہ سے ٹکراگئے جس کے نتیجہ میں ڈائریکٹر کیپٹل ڈویلپمنٹ اتھارٹی اسلام آباد مشتا ق احمد ،ڈرائیورمنظور احمد،سمیت خالق حقیقی سے جا ملے ۔موٹرسائیکل سوارتین افراد ظہو الدین عمر 30سال سکنہ ڈیلی نامدار،محمد صدیق ولد محمد دین سکنہ خانیوال جبکہ پانچویں جاں بحق ہونیوالے شخص کی شناخت نہ ہو سکی ۔ڈائریکٹر سی ڈی اے مشاق احمد کی بیوی سعدیہ مشتاق،تین بیٹے حسین علی،محمد نواز،حسن نواز سمیت 5افرادزخمی ہوگئے جن کوابتدائی طبی امداد کیلئے آر ایچ سی جنڈانوالہ منتقل کردیاگیا۔ایس ایچ او جنڈنوالہ اصغرخان لغاری پولیس کی بھاری نفری کے ہمراہ موقع پرپہنچ گئے۔ گاڑیوں کواپنے قبضہ میں لیکرنعشوں کوپوسٹمارٹم کیلئے ہسپتال منتقل کردیاگیا۔