سینٹ پیٹرز برگ(سپورٹس ڈیسک ) جمہوریہ چیک کی دو بار کی ومبلڈن چیمپئن پیٹرا کویٹووا نے سینٹ پیٹرز برگ اوپن ٹینس ٹورنا منٹ جیت لیا ۔ یہ ان کا سال کا پہلا ٹائٹل ہے ۔ انہوں نے ٹورنا منٹ کے فائنل میں کرسٹینا ملاڈینو وک کو چھ ایک اور چھ دو سے شکست دی ۔کویٹووا گزشتہ ماہ آسٹریلین اوپن کے پہلے رائونڈ سے ہی باہر ہو گئی تھیں ۔ستائیس سالہ کویٹووا نے کہا کہ میرے یہ ٹورنا منٹ بہت خاص ہے ۔ پورا ہفتہ میں ناقابل یقین کھیل پیش کیا ہے ۔ فائنل جیتنے کیلئے مجھے بہت محنت کرنا پڑی ۔ حریف کھلاڑی نے بھی اچھا کھیل پیش کیا تاہم میں نے کارکردگی سے ٹائٹل اپنے نام کر لیا ۔