لاہور (سپورٹس رپورٹر )فاسٹ بائولر محمد عامر نے کہا ہے کہ پاکستان سپر لیگ کی فرنچائز کراچی کنگز بہترین یونٹ بن گئی ہے بالخصوص سٹار آل راؤنڈر شاہد آفریدی کی شمولیت سے سکواڈ مضبوط ہوا اور اب کراچی کنگز کے پاس پی ایس ایل کا بہترین بالنگ یونٹ موجود ہے کیونکہ اس کی سپن اور فاسٹ بائولنگ میں کافی ورائٹی ہے اور بائولرز بھی صلاحیت کے مطابق کارکردگی دکھانے کی کوشش کرتے ہیں۔انہوں نے بتایا کہ عماد وسیم نئے مگر سمجھدار کپتان ہیں جن کی زیر قیادت وہ انڈر19کرکٹ میں بھی کھیل چکے ہیں جن کا کھیل کے بارے میں رویہ کافی اچھا ہے۔ انہوں نے کہا کہ آئندہ ایڈیشن میں گزشتہ سال کی نسبت بہتر کھیل پیش کریں گے اور شاہد آفریدی کی شمولیت سے متوازن ٹیم اس مرتبہ فائنل جیتنے کی کوشش کرے گی۔