انٹرنیشنل سوکر فٹسال کپ 16 فروری سے پاکستان سپورٹس کمپلیکس میں شروع ہو گا
اسلام آباد (این این آئی) انٹرنیشنل سوکر فٹسال کپ 16 فروری سے پاکستان سپورٹس کمپلیکس کے لیاقت جمنازیم میں کھیلے جائیں گے، گذشتہ روز پاکستان فٹ سال فیڈریشن کے ایسوسی ایٹ سیکرٹری عدنان سمیع نے بتایاکہ ٹورنامنٹ کی تیاریاں زور و شور پر ہیں اور ٹورنامنٹ میں 6 ممالک کی ٹیمیں حصہ لیں گی جن میں میزبان پاکستان کی دو ٹیمیں گرین اور وائٹس سمیت برازیل، ترکی، نیپال، افغانستان کی ٹیمیں کا شامل ہیں ان ٹیموں کو دو گروپوں میں تقسیم کیا جائے گا۔ٹورنامنٹ کے سیمی فائنل مقابلے 17 فروری جبکہ فائنل کے مقابلے 18 فروری کو ہونگے۔ ٹیمیں 15 فروری کو اسلام آباد پہنچیں گی۔ ٹورنامنٹ کے لیے برازیل ٹیم کی پہلی بار پاکستان آمد ہو گی۔
