لاہور ( سپورٹس رپورٹر + نمائندہ سپورٹس) پاکستان واپڈا نے کرومو ٹیکس ٹیبل ٹینس ٹورنامنٹ میں مردوں اور خواتین کے ٹیم ایونٹ جیت لئے۔چیمپئن شپ میں انفرادی مقابلوں کا آغاز ہو گیا۔کروموٹیکس ٹیبل ٹینس کلب میں چیمپئن شپ کے پہلے روز ٹیم ایونٹ میں واپڈا نے اپنی برتری ثابت کر دی۔مردوں کے ٹیم ایونٹ میں واپڈا نے پنجاب کو تین صفر سے شکست دی۔خواتین ایونٹ میں واپڈا نے فائنل میں کروموٹیکس کو شکست دے کرٹائٹل اپنے نام کیا۔ٹیم ایونٹ کے بعد انفرادی مقابلوں کا آغاز ہو گیا۔انفرادی مقابلوں میں 32 مرد جبکہ 16خواتین کھلاڑی حصہ لے رہی ہیں۔ ٹورنامنٹ میں بہترین کارکردگی کا مظاہرہ کرنے والے کھلاڑیوں کو سویڈن میں ہونے والی ورلڈ ٹیبل ٹینس چیمپئن شپ میں موقع دیاجائے گا۔