مظفرآباد (اے این این ) صدر ریاست مسعود احمد خان نے کہا کہ لاہور قلندر کا کرکٹ کے فروغ کے لیے اہم کردار ہے ۔سلمان ارشاد کو ٹیم میں شامل کر کے لاہور قلندر نے کشمیریوں کے دل جیت لیے ۔صدرریاست جموں و کشمیر سردارمسعود احمد خان کی طرف سے لاہور قلندر کے چیف پیٹرن فواد رانا اور آزادکشمیر کے سپر سٹا ر سلمان ارشاد کے اعزاز میں عشائیہ دیا۔ایوان صدر مظفرآباد میں عشائیے میں 92میں پاکستانی ٹیم کو جتوانے میں اہم کردار ادا کرنے والے فاسٹ باؤلر عاقب جاوید ،لاہور قلندر کے سربراہ عاطف رانا،آزاد کشمیر کے وزیر کھیل سعید چوہدری ، صدارتی سیکرٹری سردار ظفرخان ،پرنسپل سیکرٹری ،شاذیہ اشرف خان نے بھی شرکت کی۔ صدر آزادکشمیر سردار مسعودخان کی آبائی یونین کونسل پوٹھی مکوالاں سے تعلق رکھنے والے سلمان ارشاد گزشتہ روز ہی آسٹریلیا میں چھ ماہ کرکٹ کھیلنے کے بعد واپس آزاد کشمیر پہنچے تھے سلمان ارشاد پی ایس ایل کھیلنے والے آزاد کشمیر کے پہلے کھلاڑی ہوں گے۔