ساہیوال(نمائندہ نوائے وقت) 19ویں نیشنل سینئر ز کپ 2017 کے میچ میںساہیوال سینئرز نے عارفوالہ سینئرز کو 199 رنز سے شکست دیدی۔ ساہیوال سینئر ز اور عارفوالہ سینئرزکی ٹیموں کے درمیان گورنمنٹ کالج ساہیوال میں میچ کھیلا گیا ۔ ساہیوال سینئرز کے کپتان راجہ ارشد نے ٹاس جیت کر پہلے بیٹنگ کی اور مقررہ 30اوورز میں 7کھلاڑیوںکے نقصان پر 242 رنز بنائے۔ راجہ ارشد 44 ‘محمد وسیم 38 اور وسیم شاہ 32رنزبنا کر نمایاں رہے۔ عارفوالہ سینئرز کی طرف سے محمد احمد اور رشیدا حمد نے3-3کھلاڑیوں کوآئوٹ کیا۔جس کے جواب میں عارفوالہ سینئرز کی اننگز کا آغاز اچھا نہ تھا ۔پہلے ہی اوور میں عمران ادریس نے 2کھلاڑیوںکو بولڈکردیا اور پوری ٹیم 43رنزپر ڈھیر ہوگئی۔ عمران ادریس اور نعمت اﷲ ضیاء نے 3-3 اور وسیم شا ہ نے دو کھلاڑیوںکو آئوٹ کیا۔