ساہیوال/سرگودھا، گوجرہ: کمسن طالب علم اور گونگے بہرے لڑکے سے اوباشوں کی زیادتی
ساہیوال/سرگودھا، گوجرہ (نامہ نگاران)اوباشوں نے مختلف مقامات پر کمسن طالب علم اور گونگے بہرے لڑکے کو زیادتی کا نشانہ بنا ڈالا۔قصبہ نہنگ میں پانچویں کلاس کے طالب علم 13سالہ دانش کو ملزمان وسیم اور ارشدورغلا کرخالی مکان میں لے گئے اور باری باری زیادتی کا نشانہ بنایا۔ دانش کا والد محنت کش ذوالفقار ٹریکٹر مکینک ہے۔ پولیس تھانہ ترکھانوالہ مصروف تفتیش ہے۔ ایس ایچ او عبدالقیوم خان نے کہا کہ ملزمان کو جلد گرفتار کرکے کیفر کردار تک پہنچایا جائے گا۔گوجرہ سے نامہ نگار کے مطابق چک نمبر344 ج ب کے عبدالمجید کا 10سالہ گونگا بہرہ بیٹا احمدعلی گائوں کے محمدشفیق کی دکان پر سودا سلف لینے گیا۔محمدشفیق نے گھر سے روٹی لینے بھیج دیا جہاں اس کے بھانجے عبدالواجد نے اسے زیادتی کا نشانہ بنا ڈالا اور گونگے بہرے بچے کی چیخ وپکار پر وہ فرار ہوگیا۔ اطلاع ملنے پر نواں لاہور پولیس نے مقدمہ درج کرکے ملزم کی تلاش شروع کر دی۔ تاحال ملزم کی گرفتاری کی اطلاع نہیں ملی۔
