کراچی (کرائم رپورٹر) نیو کراچی کے سیکٹر الیون ایف میں رینجرز کا مارکیٹ پر چھاپہ دکان میں چھپایا گیا بھاری اسلحہ اور ایمونیشن برآمد کر لیا۔ پاکستان رینجرز سندھ کے ترجمان کے مطابق برآمد شدہ اسلحہ ایم کیو ایم لندن سے تعلق رکھنے والے شرپسند عناصر نے چھپایا تھا اور کراچی میں دہشت گردی اور بدامنی پیدا کرنے کیلئے استعمال کیا جانا تھا۔ ترجمان نے بتایا کہ جو اسلحہ برآمد کیا گیا اس میں چار سب سیشن گنیں بمعہ دس میگزین ایک پوائنٹ ڈبل ٹو تھری رائفل بمعہ ایک میگزین‘ ایک ٹرپل ٹو رائفل بمعہ دو میگزین ایک 45 بور گن بمعہ ایک میگزین‘ ایک ایم 16رائفل بمعہ دو میگزین ایک جدید گن بمعہ ٹیلی اسکوپ اور دو میگزین ایک سیون ایم ایم رائفل اور 14 ہزار 550 رائونڈ شامل ہیں۔