کینن فوم چیلنج کپ ون ڈے کرکٹ ٹورنامنٹ 15 فروری سے شروع ہو گا
لاہور(سپورٹس رپورٹر+نمائندہ سپورٹس) گولڈ ن سٹار کرکٹ کلب کے زیراہتمام پہلا کینن فوم چیلنج کپ ون ڈے کلب کرکٹ ٹورنامنٹ 15فروری سے شروع ہو گا۔ٹورنامنٹ کمیٹی کے پیٹرن انچیف شیخ محمد ابراہیم نے گولڈن سٹار کرکٹ کلب کے صدر واصف زمان ،لائینز کلب ممبر شفیع اللہ خان اور سیکرٹری ٹورنامنٹ کمیٹی شہباز علی کے ہمراہ پریس کانفرنس کرتے ہوئے ٹورنامنٹ کی تفصیلات سے آگاہ کیا۔ انہوں نے بتایا کہ ٹورنامنٹ میں لاہور ایسٹ زون سے ملحقہ 57 ایکٹیو اور نان ایکٹیو کلبوں کے ساتھ ساتھ لاہور ہائی کورٹ بار کی ٹیمیں حصہ لیں گی ۔
