کراچی(این این آئی)ایم کیوایم کے بانی رہنماسلیم شہزاد نے کہاہے کہ گلی سڑی ایم کیو ایم کو اب ختم کردینا چاہیے،میں بھی ایم کیو ایم کا سربراہ بننا چاہتا ہوں، فاروق ستار سے سینئر میں ہوں، فاروق ستار سمیت کوئی بھی قیادت کا اہل نہیں۔خصوصی بات چیت کرتے ہوئے انہوں نے فاروق ستار اور عامر خان دونوں کو مسترد کرتے ہوئے کہا ایم کیو ایم پاکستان کے دونوں دھڑے جلد ایک ہوجائیں گے۔سلیم شہزاد نے فاروق ستار سے شکوہ کیاکہ سب کو بلایا مجھے کیوں نہیں بلایا گیا؟۔انہوں نے کہاکہ گلی سڑی ایم کیو ایم میں جانا نہیں چاہتا۔ پی ٹی آئی میں چلا جائوں گا یا پھر گھر بیٹھ جائوں گا۔سلیم شہزاد نے کہاکہ فروغ نسیم بتائیں کہ انہوں نے ایم کیو ایم کے کتنے کارکنوں کو چھڑوایا۔ فروغ نسیم کو کس بنیاد پر دوبارہ سنیٹر بنایا جارہا ہے۔