کراچی (سٹاف رپورٹر) سندھ کے وزیر صنعت منظور حسین وسان نے الیکشن کمیشن کے باہر میڈیا سے گفتگو کرتے ہوئے کہا ہے کہ 3 مارچ سکون سے گزرگیا تو عام انتخابات بھی آرام سے ہوجائیں گے۔ انہوں نے پیش گوئی کرتے ہوئے کہا کہ رضاربانی دوبارہ چیئرمین سینیٹ ہوں گے،انہوں نے کہا کہ پیپلز پارٹی کا اگلے عام انتخابات میں اہم کردار ہوگا,عام انتخابات کے بعد عمران خان کا کوئی کردار نہیں ہوگا۔آئندہ الیکشن میں قومی اور اتحادی حکومت تشکیل پائے گی۔ منظور وسان سے ایک صحافی نے سوال کیا کہ کیا پیپلزپارٹی والے مسلم لیگ(ن) کے ساتھ دوبارہ حکومت میں شامل ہونگے، انہوں نے کہا کہ ہوسکتا ہے کہ مسلم لیگ(ن) عمران خان اور دیگر آئندہ حکومت میں شامل ہوں۔