حافظ آباد: مکان کی شکستہ چھت گرنے سے 10 سے زائد خواتین اور بچے زخمی
حافظ آباد+ ونیکے تارڑ(نمائندہ نوائے وقت+ نامہ نگار)حافظ آباد کے نواحی گائوں راہگو سیداں میںمکان کی چھت گرنے سے 10سے زائد خواتین اور بچے زخمی ہوگئے۔ راہگوسیداں کے نور محمد کی دوبیٹیوں کی شادی تھی اور رسولپور تارڑ سے بارات آئی ہوئی تھی جسے دیکھنے کیلئے 25، 30 خواتین فیض احمد کی چھت پرچڑھ گئیں۔ وزن زیادہ ہونے سے شکستہ چھت نیچے آگری جس کے نتیجے میں10سے زائد خواتین اور بچے شدید زخمی ہوگئے جنہیں فوری طور پر ڈسٹرکٹ ہیڈ کوارٹر ہسپتال پہنچایا گیا جہاں زخمیوںکو طبی امداد فراہم کی جارہی ہے۔
