ماسکو (آئی این پی) اقوام متحدہ میں پاکستان کی مستقل مندوب ڈاکٹر ملیحہ لودھی کا نام دنیا کی 5 کامیاب ترین خواتین سفارتکاروں کی فہرست میں شامل کرلیا گیا۔ روس میں 10 فروری کو سفارتکاروں کے عالمی دن کے موقع پر روسی سرکاری ویب سائٹ پر جاری فہرست کے مطابق ملیحہ لودھی مسلمان ممالک میں مقبول ترین خاتون شخصیت ہیں۔ ملیحہ لودھی دو مرتبہ امریکہ میں پاکستانی سفیر تعینات رہیں اور اسکے علاوہ برطانیہ میں پاکستانی ہائی کمشنر کے عہدے پر بھی اپنے فرائض انجام دے چکی ہیں۔اس فہرست میں روس کی سفارتکار الیانورا مترافونوا سرفہرست ہیں جبکہ دیگر خاتون سفارتکاروں میں کرغیزستان کی روزاتن بائیوا، ہالینڈ کی رینے جونزبوس اور سویڈن کی ایلوا ماڈال شامل ہیں۔
ملیحہ لودھی