پیانگ چنگ (سپورٹس ڈیسک) ونٹر اولمپکس گیمز میں میڈلز پر قبضے کی جنگ جاری ہے، ہزار میٹر سپیڈ سکیٹنگ میں ہالینڈ کی ٹرمورز نے گولڈ میڈل جیت لیا۔کراس کنٹری سکی ایونٹ میں جرمنی کے ایرک فرینزل طلائی تمغہ لے اڑے۔ لوڑ ڈبلز ایونٹ کا طلائی تمغہ بھی جرمن جوڑی کے نام رہا جبکہ میڈلز کی ریس میں نیدر لینڈ کی دوسری اور امریکا کی تیسری پوزیشن ہے۔جرمنی ہی کےایرک فرینزل نےنورڈک کمبائنڈ کے انفرادی مقابلے میں اپنے اعزاز کا کامیابی سے دفاع کرتے ہوئے گولڈ میڈل جیت لیا۔سپیڈ سکیٹنگ کے ایک ہزار میٹر ریس میں نیدرلینڈ کی جورین ٹر مورس نے گولڈ میڈل اپنے نام کیا۔آئس ہاکی میں شمالی اور جنوبی کوریا کی مشترکہ ٹیم ایونٹ میں پہلا گول بنانے میں کامیاب ہوئیں لیکن میچ پھر بھی نہیں جیت سکیں اور جاپان نے میچ ایک کے مقابلے میں تین گول سے جیت لیا۔