لاہور(سپورٹس رپورٹر+نمائندہ سپورٹس) نائن اے سائیڈ گولڈ کپ ہاکی ٹورنامنٹ نیشنل ہاکی سٹیڈیم لاہور میں شروع ہو گیا۔ ٹورنامنٹ میں شریک ٹیموں کے چھ لیجنڈز کے ناموں سے منسوب کیا گیا ہے۔ گذشتہ روز تین میچ کھیلے گئے۔ پہلے میچ میں تنویر ڈار الیون نے بریگیڈئر عاطف الیون کو دو صفر سے مات دی۔ فاتح ٹیم کی جانب سے اویس الرحمان اور بابر بشیر نے ایک ایک گول سکور کیا۔ دوسرے میچ میں منیر ڈار الیون نے افضل منا الیون کو سخت مقابلے کے بعد ایک صفر سے مات دی۔ میچ کا واحد گول اسد نے کیا۔ تیسرے میچ میں افضل منا الیون نے تنویر ڈار الیون کو ایک صفر سے شکست دی۔

اس میچ کا واحد گول ذیشان بخاری نے کیا۔