کراچی (کرائم رپورٹر) ڈیفنس میں سیاسی جماعت کے اہم رہنما کے بنگلے پر راؤ انوار کے ساتھیوں کی موجودگی کی اطلاع پر قانون نافذ کرنے والے اداروں اور پولیس کا چھاپہ 3افراد زیر حراست ،تفتیش کیلئے نامعلوم مقام پر منتقل کردیا گیا ۔باخبر ذرائع نے بتایا کہ ڈیفنس فیز 6خیابان بحریہ اسٹریٹ نمبر 12واقع سیاسی جماعت کے رہنما کے بنگلے پر قانون نافذ کرنے والے اداروں اور پولیس نے مشترکہ چھاپہ ما ر کر بنگلے کی مکمل طور پر تلاشی لی اور بنگلے پر موجود 3افراد کو حراست میں لے کر تفتیش کیلئے نامعلوم مقام پر منتقل کردیا ۔باخبر ذرائع نے بتا یا کہ سابق ایس ایس پی راؤ انوار کے ساتھیوں کی موجودگی کی اطلاع پر چھاپہ مار ا گیا لیکن ان کے ساتھی اپنا ٹھکانہ تبدیل کرچکے ہیں ۔جبکہ سندھ کی بڑی پارٹی کے رہنما کے بنگلے کے چوکیدار اور دو گارڈ کو حراست میں لے لیا گیا ہے جن سے تفتیش کا عمل جاری ہے ۔ذرائع نے کہا کہ زیر حراست افراد نے دوران تفتیش اس بات کی تصدیق کی ہے کہ راؤانوار کے 4ساتھی گزشتہ 3روز سے بنگلے میں رہ رہے تھے ۔
رائو انوار /ساتھی گرفتار