گوجرانوالہ(نمائندہ خصوصی ) نجی کالج کے میوزیکل کنسرٹ میں طالبات کو سیلفی لینا مہنگا پڑگیا، سٹیج گرنے کے باعث گلوکارہ عینی سمیت گیارہ طالبات زخمی ، عینی پر فارمنس چھوڑ کر لاہور چلی گئی۔ تفصیلات کے مطابق جناح سٹیڈیم میں نجی کالج کے زیر اہتمام میوزیکل کنسرٹ منعقد کیا گیا تھا جہاں گلوکارہ عینی پرفارم کر رہی تھیں کہ اسی دوران گلو کارہ کے ساتھ سیلفی لینے کی خواہشمند طالبات کی بڑی تعداد سٹیج پر چڑھ گئی جس کے نتیجے میںسٹیج اوور لوڈ ہونے کے باعث گر گیا اورعینی سمیت گیارہ طالبات زخمی ہو گئیں۔ واقعہ کی اطلاع پا کر موقع پر پہنچنے والے ریسکیو اہلکاروں نے انہیں معمولی زخمی ہونے کے باعث موقع پر ہی طبی امداد فراہم کی، کالج انتظامیہ کے مطابق گلوکارہ عینی کو کندھے پر چوٹ آئی تھی جو بعد میں پرفارمنس چھوڑ کر لاہور چلی گئیں ۔