کراچی (صباح نیوز) آسٹریلیا، انٹارکٹیکا، کینیڈا، شمال مشرقی ایشیا، شمالی یورپ، گرین لینڈ اور روس کے شمالی علاقوں میں رواں برس کے پہلے سورج گرہن کا نظارہ کیا گیا۔ سال کے پہلے سورج گرہن کا نظارہ رات ہونے کے باعث پاکستان اور بھارت میں نہیں دیکھا جاسکا۔ سورج گرہن کا آغاز رات 11 بج کر 52 منٹ پر ہوا جو رات 3 بج کر 42 منٹ پر ختم ہوا۔برطانوی ویب سائٹ ایکسپریس کے مطابق رواں برس 2018ء میں ایک دفعہ بھی مکمل سورج گرہن نہیں ہوگا جب کہ 2 جولائی 2019ء کو مکمل سورج گرہن کا مشاہدہ کیا جا سکے گا۔