لورالائی : نامعلوم افراد کی فائرنگ سے ایک شخص‘ خسرے کے باعث بچی جاں بحق
لورالائی( اے این این ) لورالائی میں نامعلوم افراد کی فائرنگ سے ایک شخص جاں بحق ہو گیا ‘تفصیلات کے مطابق گزشتہ روز کوئٹہ روڈ پر کلی درگئی زخپیل کے قریب نامعلوم افراد نے فائرنگ کرکے ایک شخص کو قتل کردیا اور فرار ہونے میں کامیاب ہو گئے مزیدتفتیش لورالائی لیویز کررہی ہے۔ ادھر دکی میں خسرے کی وباء پھیلنے سے 4سالہ بچی دم توڑ گئی۔‘تفصیلات کے مطابق گزشتہ روز دکی کے علاقے کلی حاجی نورالدین ناصر میں خسرے کی وباء پھیلنے سے چار سالہ بچی سعدیہ ولد محمد اکبر ناصر جاں بحق ہوگئی لاش کو ہسپتال منتقل کردیا جہاں ضروری کارروائی کے بعد ورثاء کے حوالے کردی ۔
