لاہور (پ۔ر) نیشنل کالج آف آرٹس کی ظہور الاخلاق گیلری میں بچوں کے آرٹ ورک پر مشتمل فن پاروں کی نمائش کی افتتاحی تقریب ہوئی۔ مہمان خصوصی پرنسپل نیشنل کالج آف آرٹس پروفیسر ڈاکٹر مرتضیٰ جعفری اور ڈاکٹر اعجاز انور تھے۔ یاد رہے دی لٹل آرٹ کے زیر اہتمام منعقد ہونے والی یہ نمائش 7 واں آرٹ بیٹ نیشنل چائلڈ آرٹ مقابلہ و نمائش پر مشتمل ہے۔ افتتاحی تقریب میں این سی اے اور پنجاب یونیورسٹی کے آرٹ اینڈ ڈیزائن کے شعبہ سے وابستہ نامور آرٹسٹوں کو بھی مدعو کیا گیا۔ دی لٹل آرٹ کے زیر اہتمام بچوں کے آرٹ ورک پر مشتمل فن پاروں کی اس نمائش کے حوالے سے پرنسپل نیشنل کالج آف آرٹس پروفیسر ڈاکٹر مرتضیٰ جعفری کا کہنا تھا کہ پاکستان میں آرٹ کے فروغ اور ترقی کے لئے وہ کالج کی سطح پر ہر طرح کے تعاون کے لئے ہمیشہ سے تیار اور پیش پیش رہے ہیں۔