لاہور (نامہ نگار) شہرکے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈاکوؤں نیسبزہ زار کے رہائشی اشفاق کے گھرگھس کر اہلخانہ کو گن پوائنٹ پر یرغمال بنا کر ساڑھے9 لاکھ روپے، فیکٹری ایریا میں رضوان فرید کے گھر سے 5 لاکھ روپے،گلشن اقبال کے علاقہ میں جمیل کے گھرسے3لا کھ روپے کی نقدی، طلائی زیورات، موبائل فون اور دیگر سامان، مصطفی ٹائون کے علاقہ میں اسلم کی سے فیملی کو یرغمال بنا کر 2 لا کھ 35 ہزار روپے، مز نگ کے علاقہ میںشبیر کی فیملی سے1لاکھ 20 ہزار روپے، شادباغ کے علاقہ سے انس کی فیملی سے ایک لاکھ روپے کی نقد ی، زیورات اور موبائل فون، مغلپورہ میں عاشق سے 2 لاکھ روپے، مناواں میں مجیب سے ایک لاکھ 30 ہزار روپے، ملت پارک میں ندیم سے 90 ہزار روپے، ساندہ میں شبیر سے ہزاروں روپے اور موٹر سائیکل، باغبانپورہ میں شہباز سے موٹر سائیکل اور موبائل فون، فیصل ٹائون میں فیاض سے موٹرسائیکل، داتا دربار کے علاقہ میں ظہیرالدین سے 58 ہزار روپے اور موبائل فون، چوہنگ میں علی احمد سے 53 ہزار روپے اور موبائل فون لوٹ لیا ہے۔ چوروں نے نواب ٹائون میں سے شاہ نواز، ستوکتلہ میں سے حیدر، ہربنس پورہ میں سے شہباز بھٹی کی گاڑیاں جبکہ یکی گیٹ میں سے شبیر احمد، غازی آباد میں مقبول ظفر، شمالی چھائونی میں وحیدارائیں، رائیونڈ میں اسلم اقبال، مزنگ میں رحمن علی، ٹبی سٹی میں علی حمزہ، مصری شاہ میں عاطف بٹ، مناواں میں عادل، لیاقت آباد میں شبر، گلبرگ میں سے امتیاز شاہ کی موٹرسائیکلیں چوری کر لی ہیں۔