لاہور (خصوصی رپورٹر) گلگت بلتستان کے وزیراعلیٰ حافظ حفیظ الرحمان اور ان کی کابینہ کے ارکان نے ملاقات کے دوران شہباز شریف کے ترقیاتی ویژن اور عوام کی فلاح وبہبود کے مثالی اقدامات کو زبردست الفاظ میں خراج تحسین پیش کیا اورکہا کہ آپ نے پنجاب کو ترقی کے لحاظ سے پاکستان کا ماڈل صوبہ بنا دیا ہے اور آپ کی محنت اور عوام سے محبت کی مثال پورے پاکستان میں دی جاتی ہے، آپ کی شاندار کارکردگی کے بدولت ہی پاکستان مسلم لیگ (ن) کو گلگت بلتستان میں کامیابی ملی ہے اور لودھراں میں ہونے والے حالیہ ضمنی الیکشن میں بھی عوام نے آپ کے ترقیاتی کاموں کو ووٹ دیا ہے۔ انہوں نے کہاکہ آپ ہمارے آئیڈیل ہیں اور ہم آپ کے ترقیاتی ویژن سے بھر پور استفادہ کررہے ہیں۔ ہمیں آپ کا شاگرد ہونے پر فخر ہے۔