اسلام آباد (آن لائن )وفاقی پولیس نے سکیورٹی خدشات کے باعث اہم عمارتوں کی سکیورٹی بڑھا دی۔ پولیس حکام کے مطابق پولیس ے ریڈ زون کی سکیورٹی کو یقینی بنانے کے لئے اضافی اقدامات شروع کئے ہیں اورریڈ زون کے داخلی راستوں پر سنفر ڈاگز کے ذریعے گاڑیوں کی چیکنگ کی جا رہی ہے۔ اسلام آباد کے اہم چیک پوسٹ پر کتوں اور سکینرز سے چیکنگ کی جا رہی ہے جبکہ سرینا چوک‘نادرا چوک‘ریڈیو پاکستان چوک‘میریٹ چوک اور مارگلہ روڈ کی طرف ناکوں پر چیکنگ مزید سخت کر دی گئی ہے۔ پولیس ذرائع کے مطابق ایس پی سٹی سکیورٹی انتظامات کاجائزہ لے رہے ہیں۔