آئس ہاکی میچ : فن لینڈ سویڈن کے کھلاڑی جھگڑ پڑے
پیانگ چنگ (سپورٹس ڈیسک) فن لینڈ اور سویڈن ٹیموں کے کھلاڑی ونٹر اولمپکس کے آئس ہاکی میچ کے دوران جھگڑ پڑے ۔ گزشتہ روز گروپ سی میں فن لینڈ اور سویڈن کی ٹیمیں آئس ہاکی میچ میںآمنے سامنے تھیں ۔ میچ کے دوران فائول کے معاملے پر دونوں ٹیموں کے کھلاڑیوں کے درمیان جھگڑا ہو گیا ۔ فیلڈ امپائروں نے بیچ بچائو کرادیا ۔ کھلاڑیوں نے ایک دوسرے کے گریبان پکڑ لئے تھے اور گالم گلوچ شروع کر دی تھی ۔ ونٹر گیمز انتظامیہ نے معاملہ کی تحقیقات کا آغاز کر دیا ہے ۔
